خايف عليكى من عيون كل البشر

خايف عليكى من عيون كل البشر
دة أنا لية فيكى أكتر ما ليكى
يا أجمل وأحلى من القمر
ازاى بقة ؟ هيتوصف احساسى بيكى
وأنتى اللى فيكى اتجمعت كل الصور

بشوف فيكى موج البحر بقوتة وهدوئة
وأشوف فيكى كلام الشعرا برقتة وبذوقة
وأشوف فيكى ريحة نسايم م الجنة
وقوس قزح بالوانة السبعا بيتمنى
يلمس خدودك !!
وأشوف اسمك على كل أوراق الشجر

خايف عليكى من عيون كل البشر
دة أنا لية فيكى أكتر ما ليكى
يا أجمل وأحلى من القمر
ازاى بقة ؟ هيتوصف احساسى بيكى
وأنتى اللى فيكى اتجمعت كل الصور
صور الملايكة بجناحتها
صورة الطفولة برقتها
صورة الدنيا بحلاوتها

صورة الورود لما بتكبر
على غصنها وبتمايل
صورة السما لما تنور
والقمح لما بيبقة سنابل

حبك فى قلبى يا عمرى باقى
مستنى بس لحظة تلاقى
عايش وكلى ثقة فى ربى
أنة هيجمعنا القدر
أنة هيجمعنا القدر

خايف عليكى من عيون كل البشر
دة أنا لية فيكى أكتر ما ليكى
يا أجمل وأحلى من القمر
ازاى بقة ؟ هيتوصف احساسى بيكى
وأنتى اللى فيكى اتجمعت كل الصور